我讀書時有兩個花名：
一： 女版情場摩西，摩西分紅海，我就好似摩西一樣，一行出來，d 男人就會即刻分紅海咁向兩邊走。
二：愛情滅火筒，因為我講嘢好沒趣，d 男人見倒我咩火都冇哂。
今晚同一個好好嘅男性朋友傾計，佢話我唔識溫柔，永遠無位比人安慰我。
又有一次，另一男性朋友見我上山拍嘢，衣著單薄好凍，然後佢想除件外套比我着，但結果我冇領情之餘，我仲幫佢着返件外套。之後嗰個男性友人同我講，你真係好沒趣，呢啲位比男人man吓唔得嘅，唉。
雖然我已經習慣俾人話我似係一個鍾意Hello Kitty嘅男人，但原來我都會唔開心😫
認真，我想成為一個更好嘅人，想學習溫柔啲！所以第一步要承認左自己嘅不足先🤨
🥰🥰 R呵
完
Search